موضوع للبنات وللشباب حيااكم

خلني اجاوب عن اسئلتك بعد اذنك:



1- لماذا حين تحب الفتاة آخر ما تفكر فيه هو أن تقيِّم الشاب من خلال طريقة معرفتها فيه بينما الشاب أول شيء يفعله هو تفكيره بطريقة معرفته بهذه الفتاه فلا يتركها دون أن يضرها وكأنها ارتكبت اثما عندما أحبته تستحق العقاب عليه ؟
للاسف حتى البنات يجرحون الشباب الشي اللي اشوفه الحين ان الشباب يحاولون يكونون جادين بس البنات ما يبون بوفلاح للاسف تغير الزمان و السحر انقلب على الساحر
بس في بنات يحبون و في صبيان يلعبون عليهم بعد بس قلت هالظاهرة حييييل
من وجهة نظري الانسان اللي يمشي ويجرح الناس انسان ما يستحق يعيش و بآخر عمره راح يموت بروحه
الانسان الحقير يظل حقير لأن بوطبيع ما ايوز عن عن طبعه


2- و لماذا حين تحب الفتاة تخلص.. وتخلص.. وتخلص.. بينما الشاب يتلاعب.. ويخدع.. وأخيرا يؤذي.. وكأنه لا يتعامل مع انسانة لديها من المشاعر والاحساس ما يكفي للمسامحه والرضا عنها ؟
ارد اقول ان الحين وايد بنات يلعبون ما يخلصون و في بنات يسعون ورا عيال الفلوس عشان يعبيلها رصيد و لا يشتريلها اللي تبيه هذا اذا ما خذت كرته و اقعدت تسحب لمن اتنشف الصبي
لا تظلم الصبيان للاسف النظرة الشائعة الحين ان الشباب اهم الفئة السيئة بينما ان البنات اهم الفئة السيئة حاليا و انا ما اقول كل البنات بعضهم



3- لماذا حين تحب الفتاة تحب بقلب ادمي وإنساني بينما الشاب أبعد ما يكون سلوكه وتفكيره بها عن الآدمية والانسانية
للاسف الحين احنا بعصر الماديات و كتبت خاطرة كاملة عن هالموضوع اذا الانسان بغى مصلحه ممكن يبتعد عن الآدمية قد ما يقدر عشان ما يترددالبنت تبي فلوس حق السوق او تبي حنان الصبي حتى لو تدري ان هذا الولد جذاب بس تبيه بحثا عن الحنان
الصبي يبي يخلي فطرته تمشي

حلؤ الحب اذا كاآن بين الطرفيين ومايكون من وراه مصلحه ..,
انا اللي اشوؤفه الحيين انه الحب صار مفهومه غلط عندنا للأسف
اذا درينا انه هـ البنت تحب ولا هـ الولد يحب اخذناآ عنه فكرهـ مو حلؤه
اتمنى انه مفهوم الحب يتغييير عندناآ ....


وانا اللي شايفته من اسألتك انه البنات اهم المضلومين
لا بـ العكس ......
مثل مافي بنات يخلصون هم في شباب يخلصون
وهم مثل مافي شباب يلعبون البنات نفس الشي بعد

هـ الشي يصير من الاثنيين ..,

قــواآك الله ع المؤضؤع ..

تقبل مرؤري

وعليكم السلام ورحمة الله وبركاته

والله الموضوع فيه اختلاف اراء وايد ناس تايد وناس تعارض وناس تحايد وناس مو بالدنيا وناس شايله ايدها وناس بس لقافه يعني تظل وجهه النظر تعتمد على تربيه الشخص نفسه واخلاقه اذا تسمحله يسوي هالشي ولالا ويمكن حتى مايشوف ان هالشي غلط وبنظره يكون مو غلطان بشي يعني مثل ما قتلك يعتمد على كل بيت له عاداته وتربيته وانا ابي اعرف رايك بالموضوع بعد بس اذا الشي انتشر وكل الناس يسوونه مو معناته ان عادي الغلط بيتم غلط كثر ولا نقص حتى لو كل الكون يشوفه صح بغض النظر عن العادات والتقاليد احنا عندنا شرعنا وديننا يحرم علينا هالشي ماولك الحب حرام بس العلاقه الي راح تكون بين البنت والولد والي اساسها حب هاذي الغلط اوكي تحبها عاجبتك اخطبها؟؟؟



نرد عالاسئله




1- لماذا حين تحب الفتاة آخر ما تفكر فيه هو أن تقيِّم الشاب من خلال طريقة معرفتها فيه بينما الشاب أول شيء يفعله هو تفكيره بطريقة معرفته بهذه الفتاه فلا يتركها دون أن يضرها وكأنها ارتكبت اثما عندما أحبته تستحق العقاب عليه ؟

* اي صح ليش لان الشاب لما يكلم البنت وبرضاها راح تكون بنظره اهوه انها بنت مو متربيه لانها رضت تكون علاقه معاه وخانت ثقه اهلهافيها وعشان جذي اهو يعاقبها ويحاول يضرها لان حاط اباله ان يبي يربيها لانها اكيد لو اخته جان ذبحها وصدقني دامه يفكر شلون يعاقبها معناته ان كان يتسلى ويضيع وقته مو اكثر واهيا الدعله حبته وابتلش فيها شلون يعني يعترف بغلطته طبعن لا ف5

2- و لماذا حين تحب الفتاة تخلص.. وتخلص.. وتخلص.. بينما الشاب يتلاعب.. ويخدع.. وأخيرا يؤذي.. وكأنه لا يتعامل مع انسانة لديها من المشاعر والاحساس ما يكفي للمسامحه والرضا عنها ؟

* امممم ذاك اول والاول تحول ف5ف5
انا اقول لو بتخلص له جان اخلصت حق اهلها اول بعدين يصير خير عليه اهو

3- لماذا حين تحب الفتاة تحب بقلب ادمي وإنساني بينما الشاب أبعد ما يكون سلوكه وتفكيره بها عن الآدمية والانسانية

* مثل ما قتلك اهي بنظره باعت نفسها له شلون بيصونها


لا تقولون شدعوا واقصاها تلفون وتستهينون بالشي تر البنت والريال سمعه يعني فيها خيانه ثقه اهلي فيني وفيها اني انا بنت لازم احافظ على نفسي

واسفه اذا طولت ويعطيك الف عافيه عالموضوع ولازم نسوي حملة توعويه ف5ف5

يسلموو ع طرح

وعليكم السلام ورحمة الله وبركاته ..
الحب شعور يغصب الانسان نفسه ( البنت / الولد) لاا إراادي ~..
بس حلااته البنت تحافظ على نفسهاااا وماا تعرض وحها حق اي ضرر لانهاا جوهرة .. ودايماا الجوهره ما نشوفها بأي مكان مقطوطه ( الي اقصده ان صعب الشخص يوصل لها من كثر ما اهي ثمينه) فنفس الشي البنت اهي تكون ثمينه بسمعتها واخلاقها ..
ومفهوم الحب : مو شرط الولد يعترف حق البنت بحبه لهاا .. يبييها صج يرووح يطلبها من اهلها ....

والنااس اجنااس .
. في ناس يكون حبهم من الطرفين
وفي نوعيه .. البنت تحب بس للأسف الشخص الآخر مو كفووو إهني بيعرضهاا حق مشااكل إهي الي راح تنلام فيها .
وفي نوعية الشاب يحب البنت وهالبنت تلعب على 1000 غييره

وهذي وجهة نظري بالموضوع ويعطيك العافية