لماذا البنت تحب بنت مثلها

[يسعدلي مساكم جميع........ :)
ودي اناقشكم في موضوع حشاااااش جدا ... عفوا حساس جدا .... ومن كثر ماهو حسااااس ترددت في طرحه بالمنتدى! لكن اتمنى اعرف ارائكم فيه وش الحل لهالظاهره.... :) :)
أنتشر بين البنات في المدارس والجامعات ]ظاهره تسمى الاعجاب!!! وش سالفه الاعجاب؟ هو ان بنت تعجب وتحب وتتودد لبنت مثلها ...... :eek: هالظاهره منتشره بشكل كبير جدا ... وترى مو شيء جديداكيد سمعتو فيه؟.. ::
طبعا يبداء الموضوع بأن بنت تعجبها بنت اخرى لعدة اسباب كجمالها او شخصيتها او كشختها.... او لانها تشبه شخصيه معروفه ... و....و ...الخ وشوي وشوي الا و نظرات الهيام والاعجاب من بعيد .... اكيد بعد كم يوم بيملون من النظرات فتتقدم البنت الاولى وتدور على طريقه تقرب اكثر من الثانيه بأسلوب الوسطاء والملاحقه..ومن ثم يبداء التعارف ومايصحبه من رسايل وهدايا ...وبعدين مكالمات هاتفيه طووووويله..... ويتطور الموضوع الى غيره وولع وألم وعذاب...(أمحق ..... ولا الافلام القديمه)... وتكون العلاقه مثل علاقه الشاب والفتاه ...... لكن عادة نهاية الأعجاب هي الملل والتحول الى بنت اخرى !! لأن قد توجد نهايه طبيعيه للشاب والفتاه لكن البنت والبنت ... مالهم أي نهايه طبعا!! (الا برى عند الغرب ممكن يتوجون هذا الحب بالزواج !!!) الله لايبلانا انت
شرت هذه الظاهره لدرجة ان المعلمات والمسئولات في المدارس واللكليات صارو يعانون منها !! في كل جولة تفتيشيه للمعلمات يجدون رسائل فاضحه جدا وهدايا غاليه ...و...الخ من اغراض المعجبات ... المدرسات صارو ينظرون الى الجوالات واشرطة الاغاني في شنط البنات شيء هين مقارنة بالمصايب الاخرى..... : شوفوا هالسالفه.....وحده كانت معجبه ببنت مثلها وتبي تثبت لها مدى حبها بس بطريقه غير البشر (تدرون وش سوت)؟؟ جرحت أصبعها بمشرط وكتبت على لوحه ورق كبيره (احبك يافلانــــــــــــــــــــــه) الحمدالله ان ربي هداها و التزمت الحين بعد فعلتها الغبيه!!(اللهم لا تؤخذنا بما فعل السفهاء منا)
مثلا ..... بيوم الحب .. في المدارس وكليات البنات انمسكت هدايا بالهبل!! كل وحده تهدي حبيبتها.... (ضاع سوقكم يالشباب)هههههههه
:D :D :D طبعا في فرق واضح بين الصداقه والاعجاب وبين الحب في الله.... والمعجبات يبانون بسرعه من حركاتهم وتوترهم وتصرفاتهم الغريبه والمخجله احيانا..... وأي شخص بيقدر يعرف نوع العلاقه وخاصة الاعجاب!!
طبعا أكيد ان هالظاهره موجوده بعد عند الشباب بس مالي أي معرفه صراحه بمدى انتشاره! :
وبعد يقولون ان فيه وحده تشكي كانت تشكي لزميلاتها من خويها (صديقها عن طريق التليفون) وهي تعبانه منه وحزينه!!( فقع قلبها) (حلوه فقع قلبها ...صح؟؟) تدرون وش قالوا لها خوياتها اللي لهم خبرات طويله بالاعجاب؟؟؟؟؟ قالو : يافلانه وش تبين بالشباب ومشاكلهم وقلة شيمتهم؟؟؟؟ سوي مثلنا حبي لك أي بنت حلوه وارتاحي...!! على الاقل تقدرين تكلمينها كل وقت وقدام اهلك وتشوفينها بالكليه كل يوم وتجلسين معها!! وتقدرين تروحين لها بالبيت .. وتهدينها وتسوين اللي تبين معها... ... ولا شاب يهينك ويهددك او يخونك ويتركك (لا حول ولا قوة الا بالله البنات صارو يشوفون الاعجاب شيء طبيعي وعادي وان العلاقه مع الشباب هي الحرام وبس!!....... ) في نظري ان العلاقه بين البنت والولد بالرغم انها محرمه وغير مقبوله تماما واكبرغلط للبنت... الا انها اهون من الاعجاب الف مره على الاقل شيء طبيعي شوي!! : لو نظرنا الى اسباب هذه الظاهره ....نجد ان التالي:.
أولا : ضعف الوازع الديني..... واللي قلبها مليء بلأيمان وبذكر الله تلاقيها مشغوله عن هذي السخافات.... :( :(
ثانيا:الفراغ العاطفي اللي تعانيه الفتاه... عادة ضحايا الاعجاب من الذين يعانون من الفراغ العاطفي سواء بفقد احد الابويين او الاهمال من المحيطين بها في المنزل... الأم دايم مسيره او مشغوله بالصغار وتنسى ان في المنزل مراهقات محتاجين شويه اهتمام ...... والأباء طول الوقت طفشانين ومشغولين واخر الليل بالديوانيه والاستراحه !! ويبون يسوون لهم هيبه قدام عيالهم ..فما يعطون عيالهم وجه :(لا والأخوان يافي الملحق ولا مع اخوياه وأن كلم اخته قال جيبي شاهي ولا سوي لي عشاء..... ( الله لا يهينكم اعطوا اخواتكم شوي وقت سولفو معهم قربو منهم ....... ترى مافيها شيء لو خصصتو يوم واحد في الاسبوع تخرجونهم تغيرون من جو البيت ... وتشترون لهم شاورما ( عشان ماتقولون خسرونا فلوس)! تناقشون مشاكل البيت ومشاكلهم !! ترى البنت لما يعاملها اخوها بحنيه تتمنى انها تفديه بروحها .... وبكذا تحس ان فيه انسان يهتم بها ويحل لها مشاكلها ويوقف معها...
ثالثا: الرفقه السيئه.... البنات دايما في البيت ونادرا يطلعون بحجة انه ماله داعي وعيب...... طيب البنت بتلاقي في المدرسه الصالح والطالح .. هل بتقدرون تمنعونها تمشي مع هذي ولا ذيك؟؟؟ وترى الوحده تتأثر بمعجبتها بشكل كبير اجل وش لو كانت صاحبة بلاوي وافكار هدامه!!.. ياليت الامهات يحاولون انهم يقربون من بناتهم بشكل اكبر . (محسوبتكم بتكون ام واعيه !!ياحظ بناتي فيني!!!!).. ممكن ان الام تخلي بنتها تعزم صاحباتها ومن ثم بتقدر تحكم عليهم من اسلوبهم وتصرفاتهم .... وتحاول تقنع بنتها بهدوء وباسلوب حلو .. اعرف وحده من زميلاتنا بالكليه كانت وحيدة امها بين 5 شباب تصدقون انها تعتبر امها صديقتها وتقول لها على كل سوالفها واسرارها كنا ما نحبها عشان كل سواليفنا تعرفها امها...!! وكنا نستغرب من هالام !! لا وكنا نقول وش هالام المبزر!!!(لكن بعدين حسيت انها فعلا ام عاقله وعرفت كيف تحمي بنتها من كل شيء غلط امامها ).... ;)
رابعا:ضعف شخصية الفتاه وضعف القدوه:البنت اللي شخصيتها ضعيفه تكون فريسه سهله لمن حولها وخاصة صديقات السوء ....... اما بالنسبه لضعف القدوه فحدث ولا حرج ....!! الأب يمنع عياله من القنوات الفضائيه وبالملحق تلاقي قنوات مالأمها داعي!! ويصيح على عياله يصلون وهو وقت الصلاه نايم ....وغيرها وغيرها!!
خامسا : التفسير الخاطيء لمعاملة المعلمات : الطالبات صارو يفهمون معاملة المعلمات بشكل خاطيء وصارو يتعلقون في مدرساتهم بشكل مبالغ فيه !! اذكر كان معنا في المتوسط طالبه كسلااانه قامت المعلمه حاولت تفهم ظروف البنت في البيت ولقت انها تعاني من معاملة زوجة والدها .....غيرت المعلمه معاملتها وبدأت تعامل الطالبه بشيء من الحنيه وتهتم فيها اكثر...... وش صار البنت فهمت غلط وقامت تنشر ان المعلمه معجبه فيها وان بينهم حب وموده قويه...! وتشوهت سمعة المعلمه بين البنات واخذو عنها فكره انها بتاعة حركات نص كم!!!!! وتعالو شوفوا البنت شدت حيلها بمواد العربي وصار مستواها ممتـــــــــــــــاز بس يوم درت المعلمه بالاشاعه اللي طلعتها عنها بين البنات بدأت تعاملها بصرامه وبشده.....البنت مرضت ونحفت وصارت تحاول جذب الانتباه لها باي شكل ولو كان سخيف......!!لدرجة انها صارت في حصتها تدوخ بدعوى انها مسحوره!!عشان تحنن قلب المعلمه عليها!!
هذي تقريبا اهم اسباب الاعجاب بين البنات ............. واللحين اولا : اتمنى ان الموضوع عجبكم وشدكم .....!! (تراني انهلكت لين قدرت اتذكر كل هالسولف والقصص)!!وثانيا : وش في نظركم الحلول لهذا الموضوع .....(عندها حلول كثير بس تعبت من الكتابه) ..........والله يعطيكم العافيه مقدما.... واللي يبي يقراء عن هذا الموضوع اكثر يلاقيه في كتيب صغيروري اسمه (الاعجاب والشهوه المحرمه)ل ساره الفهد...... ترى مانقلت منه الا اشياء محدوده جدا...(عشان تعرفون ان موضوع متعوب عليه!!!!)][/COLOR]