مسجات شوق و وله

قمـــة الأنوثـــة · 09-05-2007, 06:54 PM

السلاااااااااااااااااام عليكم

اليوم يبت لكم هالمسجات ..

وان شالله تعيبكم..

فديت من كان لغيابي يعاني ..

فديت أنا ممشاه وخطاويه ..

ماني بقاطع رجاه لو دهري جفاني ..

هوتاج راسي وبعيني أدرايه ..

شوفته تسوى كل عمري وزماني

وجرحه بدموع عيني أداويه ..

لوطلب فوق عمري عمر ثاني

أموت وأنخلق لجل ما أخليه

لا تقول إني قاطع .. وبوصلي دوم أتغلى ..

تراني شخص متواضع .. وبالحب ما اتسلى ..

يمكن ظروفي تمانع .. ويمكن مستواك أعلى ..

ولو بلف الكون لك راجع ..

والعين فوق الرمش ما تعلى ..

لا تفكرني

مختفي

أو بالرسايل

مكتفي

قلبي

مشتاق

لشوفتك

ولجلسه

فيها نلتقي...

يا شوق!!!

سر عنده و قله:

إني رفيقه لو يطول الزمان!

ياشوق!!!

سر عنده وقله:

إن قلبي لشوفته يتقطع مثل الحبال!

ياشوق!!!

سر عنده وقله:

حبي له يتعدى أحجام الجبال!

ليتـــك تحــس بلهفــة خاطـــري في غيــــابـك

حتـــّي الشفـــايف تهمــس بشــووف وأنيــن:

يا قلـــب ويـــنهم احبـــــابك ؟!؟

يا تـــري نســـوا الوصـــل وشــوقك والحنيــن؟

جيتني مشتاق تسأل أو حداك الوقت يمي .... جيتني ودك تعاتب أو لي بقلبك بقايا ....

جيتني من زود همك أو تبي تنشيف دمي .... يا أخي باالله قلي ما بقي سر وخفايا

خل السوالف أنا مشتااااق لعيونك

عجل وشف لك طريقه نلتقيى فيها

لاتخلي الشوق يذبح حال مجنونك

لاجتك فرصه طلبتك لا تعديها

... إترك ....هلابك ؟ وكيف الحال ؟ وشلونك؟

***جلسه معك تسوى الدنيا ومافيها

أصبح على حبك وأمسي وانا أاغليك.......

وألبس دفاك وأستظل بغلاتك....

ودي أجيك بلهفتي وأانتثر فيك....

ياللي لك أحيا وأبتدي وأنتهي لك...

لو ما ظروف الزمن والله ماأخليك ...

لأتعلق بحروف الرساله وأاجيلك...

طاوعك قلبك تخليني وسط صحرى

ونار الشمس تكويني

تخيل خطوتي حافي وشوك الارض يدميني

تخيل لهفه انفاسي ادور قطرة ترويني

ترى هجرك مثل صحرى وشوفتك بس تحييني

ما ابيك تتخيل ابيك تحس فيني

نشري رضاك وخاطرك ما نبيعه...

حبك هوى نفسي وشوفك متاعي...

وأشواق قلبي تندفع لك سريعه...

وأنا على شانك سريع اندفاعي...

أمرك يلبيه الخفوق ويطيعه..

لو في حلاة النوم فزيت واعي...

حب البشر لو تجمعه جميعه...

حبي لك أكبر والوفا من طباعي...

أنا **** أصلي من الحب مصنوع....

ماهو من أسواق المحبين تجميع...

في داخلي محسوب رقمه ومجموع...

مايقبل القسمه ولا جذر تربيع...

وياصاحبي مادام للحب موضوع...

أحفظ الدرس وباكر حصة الدرس تسميع...

في زمانك محد يشل همك.. لا أخوك ولا رفيقك ولا صديقك...

ما يهمه اللي يهمك...في زمانك لو بغيت تعيش صح..

صل فرضك..

واقضب ارضك ..

وحب اللي يحبك...

خلك قنوع..

خلك صبور...

خلك حريص...

نصيحه..

خلك الاحسن واسأل عن اللي ما سأل عنك...

البارحه في لذيذ النوم لاقيته

احلام جابت حبيب الروح خداعه

فزيت ارحب ودمع العين هليته

ورميت نفسي وجا راسي على ذراعه

وقعدت اضمه وفوق الصدر لميته

واثرني اضم الوساده صار لي ساعه

مـيـزتي مـا أفـكر بـالشي الـلي خسرتـه..

مـيزتي إني أنسى و أفـكر كـيـف أكسب جـديـد...

و مـن بـاعـنـي بـرخـيـص أعـده غـصن خـشب وأكسـره..

و من عـزنـي نـصـبـتـه وسط شرايــيـن الـقـلب نـصـب الـحديـد...

و إن رجــع لي بــدمـوعـه والــاــه ما أعــبره..

و أزيــد بـعـده هـجرااااان و أرحـل عـنـه بـعـيـد..

وسلامتكـــــــم ... :)

غنج · 10-05-2007, 01:10 PM

تسلم الايادي

لاهنتي عزيزتي

شلع قلبي · 13-05-2007, 02:24 PM

مشكوره اختي على هذ المسجااااات الحلووووه

مضاوي · 12-06-2007, 12:15 AM

[align=center]تسلمــــ ايـدج ع المسجات
مــبــدعه وابدعتينا معاج
الله لايــحرمــنا من مــواضــيــعــج
وتقبلي خالــــــــــــــ ــــــــــــــــــــص تحياتي[/align]

AwTaR · 08-10-2007, 12:20 PM

مشكوووره اختي وما تقصرين علي الموضوع

مسجات شوق و وله

الهواتف النقاله