حمد على كرسي الاعتراف

ولد مطير مزيون · 29-09-2007, 05:49 AM

1- البطاقه الشخصيه لك ..؟؟( اسمك_ وظيفتك _وزنك_طولك)

2- منو اقرب الاعضاء لك ..؟؟

3- جم سنه لك بالنت ومنو اللي علمك عليه ..؟؟

4- منو مطربك ومطربتك المفضلين عندك ..؟؟

5- منو لاعبك المفضل محلي وخليجي وعالمي ..؟؟

6- منو ناديك المفضل محلي وخليجي وعالمي ..؟؟

7- شنو اكلتك المفضله ..؟؟

8- تعرف تطبخ والا لا ..؟؟

9- ماهي اجمل بلد زرتها ..؟؟

10- شنو اكثر موقف محرج تعرضت له ..؟؟

11- امنيه تتمنى انها تتحقق ..؟؟

12- شنو نوع سيارتك ..؟؟

13- ماذا تعني لك الاشياء التاليه ...!!

_ البحر _
_ البر _
_ الغروب_
_ الشروق _
_ الصداقه _
_ الحب _
_ الزواج _
_ الاطفال _

14- باقة شوك لمن تهديها ..؟؟ ( اكيد لي طبعا لوووول )

15- باقة ورد لمن تهديها ..؟؟

وشــكرأأ وحمد لك كل احترامي وتقديري ومشكور

مضاوي · 29-09-2007, 05:53 AM

لووووووووووووووووووووووول
حمد مايصير شلون يعني بنقعد انقسم الورده على بعض
اوكي بنحاول انقسمهاا على بعض
وانا متنازله عن حصتي مابيهاا
لووووووووووووووووووووول

Om^Kesha · 29-09-2007, 08:23 AM

لا والله

وانا سؤال واااحد محد قالي

جم معدلك بالثنويه ؟؟؟ وشنو تدرس؟؟

متى ناوي تبيع الماكسيما وزياليت باسرع وقت وشنو بتاخذ بدالها ؟؟

كم ضرس عندك؟؟ وكم شعرتن براسك؟؟هل تعاني من الصلع؟؟(لدينا الحل)

مريت بقصة غراميه؟؟ومن هي البطله؟؟

ماهي جنسيتك؟؟

ماهو لبسك المفضل (دشداشه اللبس الرسمي ولا الكاجوال)؟؟

عندك غمازات؟؟

تلبس ناظارات؟؟

وين وصلت بالقرآن؟؟

29-09-2007, 08:59 AM

بسم الله الرحمان الرحيم
و صلاة على النبي و اله و المرسلين
السلام عليكم و رحمة الله و بركاته
شلونك يا حمد انشالله زين
مشاءالله اشوف الأسئله شغاله
و دام انها كذالك حاب اضيف كم سؤال؟
و انشالله ما اتعبك

1 - شنو الي خلاك تتعلق بلنت 7 - 8 سنوات ؟
2 - شنو اكثر شي حبيته في النت ؟
3 - شنو تعلمت من تجاربك مع الناس و التعامل معاهم في النت ؟
4 - شنو الشخصيه الي تفضلها؟ (مو كارتون )
5 - شنو مبدئك ؟
6 - الساعه كم يوم ترد على اسئلتي؟
7 - تفضل السهر او النوم من وقت ؟
8 - قد مره تعلقت في بنت؟ (جاوب اي او لا فقط)
9 - لو و انشالله الله لا يقوله احد من الموقع توفى شنو راح تسوي له ؟ (عمرم طويل انشالله)
10 - اذا تييك النومه شنو تفضل تسوي تقوم تنام وله تقط بدليات ؟
تحياتي و اسمح لي طولت
//
\\
//
معيوفـ

No0o0oR · 29-09-2007, 09:07 AM

" رجعــت لكـم من جـديد "
<< جــايبه أسئله لـ حمـــــــــــد :D
1- مــا هــو مستـواك العلمي ؟؟؟
2- شخصــيه عامه تـــود أن تقابلها ؟؟؟
3- شخصيه عــامه تــود أن تقتل ؟؟؟
4- شخصـيه بمنتـدى غنــــج تـــود أن تـراه ؟؟؟
5- شخصيـه بمنتـدى غنــــج تــود أن تصـادقه ؟؟؟
6- شخصيـه بمنتـدى غنــــج تــود أن تقــرأ له ؟؟؟
7- شخـص قـدم لك معـروفا فـي حياتك لــن تنسـاه ؟؟؟
8- شخـص له أثـــــر فـي حيـاتك ؟؟؟
9- متـــى أحسسـت ؟؟؟
* إنـك تـريد ان تبكــي فـي موقف يتطلب الصمــود ؟؟؟
* إنــك تـريد أن تقــول لا ... وتفـــرض رأيك على الاخــــــــرين لقبــوله ؟؟؟
* أن الــوقت مـن ذهــب ؟؟؟
* أنــك تـريد أن تغــامر لتحقق النجــــاح ؟؟؟
10- حلـم بالنسبه لك صعــب يتحقق ؟؟؟
11- أجمـــل بيت شعــر أعجبــك ؟؟؟
12- مــا هى نقطــة ضعفك ؟؟؟
13- أفضـــل بلد زرته سيــاحياّ ؟؟؟ وليـش ؟؟؟
14- مـاذا تعنــي لك الكلمــات التاليه:
* الأمــــل ؟؟؟ .. * الـــــورد ؟؟؟ .. * السعــــــاده ؟؟؟ .. * الحضــاره ؟؟؟
15- رقمك المفضــل ؟؟؟
16- أنـــواع الكتب التـــى تحبها أن تقـــرأها ؟؟
17- هــل أثــر منتــ غنــــج ــدى على حياتك الشخصيه ؟؟؟
18- مــاذا يعنـي لك النجاح والفشــل ؟؟؟
19- من هــو لاعبك المفضل ؟؟ المطــرب المفضل لديك ؟؟ المطربه المفضله لـديك ؟؟
20- ما هـــي هواياتك ؟؟
21- هـل فكـرت يومـاً أن تسـافر للخـارج ؟؟ وماهـي الدولـه التي تتمنى أن تســافر إليـها ؟؟
22- من أحـــب الناس اليك ؟؟؟ ... وهل يصعب عليك فراقهاا ؟؟؟
23- من مجالستك للنااس وحديثك معهم هل تتوقـــع أنك محبـــوب لديهم ؟؟؟
24- مــاذا تعني لك كلمــة الحـب ؟؟؟
25- مـا هـى أحـب الاسمــاء الي قلبك يعني اذا رزقـك الله بمولود او مولوووده شنو راح تسميهم ؟؟؟
26- بـاقة ورد لمـــن تهديها ؟؟ بــاقه شــوك لمـن تهديهــا ؟؟؟
<< اعذرها الظـــاهر طــولت بالاسئله ..!!!

حــمــد · 29-09-2007, 09:37 AM

ولكمو و و و و و و و و و و ولد مطير مزيون
يا هلا والله بالغالي
نبلـــــــش بالاجوبه

1- البطاقه الشخصيه لك ..؟؟( اسمك_ وظيفتك _وزنك_طولك)
حـــمــد - طالب في كلية الهندسة .... وزني 86 وطولي ماعرفه ... بس ان شاء الله هاليوميين اقولكم جم طولي
وعلى فكرة السؤال مكرر

2- منو اقرب الاعضاء لك ..؟؟
مافي عضو معين قريب مني ... الكل اعتبرهم اخواني واقراب مني

3- جم سنه لك بالنت ومنو اللي علمك عليه ..؟؟
تقريبا 7 سنوات بس مو متواصله ... واللي علمني على الانترنت .. بالبداية درست في معهد للكمبيوتر .. بس بعديين هويته وانا تعلمت على اشياء وايد من نفسي ومن الانترنت

4- منو مطربك ومطربتك المفضلين عندك ..؟؟
بصراحه ما عندي مطربين مفضليين لانه بالاساس ما اسمع اغاني وايد
ولكن بعض المرات اسمع لعبدالله الرويشد واصاله

5- منو لاعبك المفضل محلي وخليجي وعالمي ..؟؟
محلي بدر المطوع - خليجي نواف التمياط - عالمي رونالدينو

6- منو ناديك المفضل محلي وخليجي وعالمي ..؟؟
محلي نادي القادسيه - خليجي نادي الهلال السعودي - عالمي نادي برشلونه

7- شنو اكلتك المفضله ..؟؟
المعكرونه والذره

8- تعرف تطبخ والا لا ..؟؟
اي اعرف اطبخ ... لما نخيم مع الشباب انا اصير لهم الطباخ لوووووووووول بس المعكرونه اطبخها بإحتراف

9- ماهي اجمل بلد زرتها ..؟؟
لندن

10- شنو اكثر موقف محرج تعرضت له ..؟؟
اكثر موقف محرج تعرضت له يا طويل العمر ... كنت معزوم على عشى عند الربع ... وكنت كاشخ ومضبط الغترة والعقال مسويها سبعه :P .. المهم وانا قاعد في الديوان حسيت بشي يحكني برقبتي من ورى ويحوس مديت ايدي له ومسكته .. فتحت ايدي ولا هذا الزهيوي الطويل خخخخخخخخخ قمت بسرعه من الخرعه (( اهي مو خرعه خرعه ..بس شكله مشمئز عشام جذي ما احبه )) فزييت وطلعت برى الديوانيه رحت اغسل ورديت دخلت وانا منحررج حييل ... هذا كان اكثر موقف انحرجت فييه

11- امنيه تتمنى انها تتحقق ..؟؟
اتمنى انه موقع غنج يكون من اكبر المواقع

12- شنو نوع سيارتك ..؟؟
رديت على هذا السؤال يا قلبي ... اتمنى تشوف اجوبتي القديمه

13- ماذا تعني لك الاشياء التاليه ...!!

_ البحر _ مكان رمي الهموم

_ البر _ للتأمل والسكون

_ الغروب_ زوال النور وبدء الظلام

_ الشروق _ زوال الظلام وبدء النور

_ الصداقه _ بلسم الحياة

_ الحب _ حياة

_ الزواج _ تهذيب لنفس الانسان

_ الاطفال _ زينة الحياة

14- باقة شوك لمن تهديها ..؟؟ ( اكيد لي طبعا لوووول )
اهديها الى كل خاين

15- باقة ورد لمن تهديها ..؟؟
اهديها لاعضاء منتديات غنج

وشــكرأأ وحمد لك كل احترامي وتقديري ومشكور

العفوووو يا قلبي وحياااك الله نورت الموضوع

توتي فروتي · 29-09-2007, 08:51 PM

انا ادور سؤال ماني لاقي مشالله ما خلو شي بس ابي اسأل قصب

متى ناوي تتزوج ؟؟

شنو ناوي تسوي لمستقبلك ؟؟

شكثر تحبني ؟؟ ^_*

ماني مكثر عليك ابيك تقولي وين تقضي وقت فراغك برا البيت ؟؟

والله يعطيك الف الف عافيه.

حــمــد · 30-09-2007, 04:15 AM

ههههههههههههههههههه هلا والله ام كشه ما ادري عنج والله

على العموم حياج مره ثانيه

المهم نبلش بالاجوبه

جم معدلك بالثنويه ؟؟؟ وشنو تدرس؟؟

85.6 .... طالب في كلية الهندسة

متى ناوي تبيع الماكسيما وزياليت باسرع وقت وشنو بتاخذ بدالها ؟؟

المكسيما راح ابيعها هالشهرين ان شاء الله ... والسياره اليديده للحين ما حددت نبي نسئل اهل الخبره شنو ينصحوني بس احتمال اشتري كامري 2007 او BMW

كم ضرس عندك؟؟ وكم شعرتن براسك؟؟هل تعاني من الصلع؟؟(لدينا الحل)

ههههههههههههههه الحمدلله ما عندي ولا ضرس مكسوور ... ولو تنعد الشعرات بالراس عديتهم لج .. والحمدلله ما اعاني من الصلع :p

مريت بقصة غراميه؟؟ومن هي البطله؟؟

اي نعم مريت بقصة غرامية ... والبطله ما احب اعلن عنها

ماهي جنسيتك؟؟

كويتي

وماهو اصلك (من اين اتيت)؟؟

اصلي من منبع الاشراف ... واتيت من ظهر ادم وحواء

ماهو لبسك المفضل (دشداشه اللبس الرسمي ولا الكاجوال)؟؟

طبعا افضل لبس الكاجوال لانه ارتاح فيه اكثر .. بس بحكم الالتزامات الاجتماعية يتحتم علي لبس الغترة والعقال في المناسبات والدواوييين

عندك غمازات؟؟
لا

تلبس ناظارات؟؟
اذا قصدج نظارات طبيه لا ما البس ... واذا قصدج الشمسية اكيييد البس

وين وصلت بالقرآن؟؟
والله تبين الصراحه ما ادري لانه ما قريت القرآن بالدور .. .. مرات اقرى من اول شي ومرات من النص ومرات من آخر شي

ومشكووورة يا ام كشة على اسئلتج الحلوه

حــمــد · 30-09-2007, 04:22 AM

ولكمو و و و و و و و و هلا والله بمعيوف بو خشم

خخخخخخخخخخخخخخخ منور الموضوع فديتك

نبلش بالاجوبه

1 - شنو الي خلاك تتعلق بلنت 7 - 8 سنوات ؟

انا في السنوات اللي قبل ما كنت متعلق في النت .. كنت ادخل للترفيه والوناسه تقريبا ادخل مرتين في الاسبوع .. بس الحين في السنة الاخيره تعلقت وايد بالنت لانه فتحت الموقع وتعرفت على اصدقاء مستحيل اتركهم لازم يوميا ادخل واشوف اخبارهم واذا يوميين ما دخلت النت احس في شي ناقصني

2 - شنو اكثر شي حبيته في النت ؟

اكثر شي حبيته .... بصراحه موقعي واعضاء ومشرفين المنتدى وزوار ومراقبين الجات

3 - شنو تعلمت من تجاربك مع الناس و التعامل معاهم في النت ؟

تعلمت انه الانسان لازم يكون شخصية وحده سواء في النت او الحياة الشخصية

4 - شنو الشخصيه الي تفضلها؟ (مو كارتون )

محمد العوضي لانه شخص معتدل وما يحب يسوي تفرقه بين المسلمين

5 - شنو مبدئك ؟
اعمل لدنياك كأنك تعيش ابدا ... واعمل لاخرتك كأنك تموت غدا

6 - الساعه كم يوم ترد على اسئلتي؟
الحين وانا ارد على اسئلتك عندي الساعه3 ونص الفجر

7 - تفضل السهر او النوم من وقت ؟
طبعا النوم من وقت ... (( نام بكيير واصحى بكيير وشوف الصحه كيف بتصيير ))

8 - قد مره تعلقت في بنت؟ (جاوب اي او لا فقط)
اي

9 - لو و انشالله الله لا يقوله احد من الموقع توفى شنو راح تسوي له ؟ (عمرم طويل انشالله)

طبعا راح يكون شعوري الاسى والحزن على موته ... وراح اسويله عزى في الموقع .. واذا كانت علاقتي فيه قويه اقووم بالواجب واوصل بيتهم واعزي اخوانه واهله

10 - اذا تييك النومه شنو تفضل تسوي تقوم تنام وله تقط بدليات ؟
هههههههههههههههههههههههههههه طبعاا افضل انام

تسلم يابو خشم على اسئلتك الحلوه واذا عندك بعد لا تتردد

حــمــد · 30-09-2007, 04:32 AM

ولكمو و و و و و و و و و و نور مره ثانيه

خخخخخخخخخخخخ

الله يسامحج نور كل هذه اسئلة

يلا نبلش بالاجوبه

1- مــا هــو مستـواك العلمي ؟؟؟

مو مدح فيني ... الصراحه ممتاز .. بس هالسنه مهمل الدراسه لانه امر بظروف تمنعني عن الدراسه ... احاول ادرس قدر الامكان

2- شخصــيه عامه تـــود أن تقابلها ؟؟؟
لاعب نادي القادسيه بدر المطوع ... قابلته اكثر من مره وودي اقابله بعد

3- شخصيه عــامه تــود أن تقتل ؟؟؟

جورج بوش

4- شخصـيه بمنتـدى غنــــج تـــود أن تـراه ؟؟؟

الكل ودي اشوفه

5- شخصيـه بمنتـدى غنــــج تــود أن تصـادقه ؟؟؟

لكل عضو له بصمة في المنتدى

6- شخصيـه بمنتـدى غنــــج تــود أن تقــرأ له ؟؟؟

اتمنى اقرأ لأي عضو من بوح قلمه ... (( وليس النسخ واللصق ))

7- شخـص قـدم لك معـروفا فـي حياتك لــن تنسـاه ؟؟؟

اللي قدموا لي معروف وما انساه ناس وايد ... منهم ابوي وامي واخواني ... وكل شخص له بصمة في الموقع او المنتدى اعتبره فضل ما انساه بحياتي

8- شخـص له أثـــــر فـي حيـاتك ؟؟؟

صديقي الله يرحمه ان شاء الله ... مات بيوم عرس (( حفلة زفاف )) اقاربي .... كان يبي يسوي الواجب ويهنيني على عرس الاقارب .. وللاسف مات بحادث سيارة واهوا بطريقه الى العرس

9- متـــى أحسسـت ؟؟؟
* إنـك تـريد ان تبكــي فـي موقف يتطلب الصمــود ؟؟؟

في المقبره بيوم دفن صديقي اللي مات بحادث سياره ... كان الموقف يتطلب الصمود والحمدلله ما بجيت عشان ما اضيق خلق اخوانه وجماعته

* إنــك تـريد أن تقــول لا ... وتفـــرض رأيك على الاخــــــــرين لقبــوله ؟؟؟

بصراحة دائــما

* أن الــوقت مـن ذهــب ؟؟؟

حسيت انه الوقت من ذهب بامتحانات اخر العام للثانوية العامه .. وكان باقي على الامتحان خمس دقايق وانا مو مخلص دراسه وكنت ادرس بسرعه بسرعه ... وحسيت بهاللحظة انه الوقت من ذهب

* أنــك تـريد أن تغــامر لتحقق النجــــاح ؟؟؟

بهذه الايام مستعد اني اغامر بأي شي لتحقيق النجاح

10- حلـم بالنسبه لك صعــب يتحقق ؟؟؟

لاعب كرة قدم مشهور

11- أجمـــل بيت شعــر أعجبــك ؟؟؟
لاتأسفن على الدنيا ومافيها فالموت لاشك يفنينا ويفنيها

ومن يكن همه الدنيا ليجمعها فسوف يوما على رغم يخليها

12- مــا هى نقطــة ضعفك ؟؟؟

نقطة ضعفي الزهيوي خخخخخخخخخخخخخ شكله مقرف ويلوع الجبد

13- أفضـــل بلد زرته سيــاحياّ ؟؟؟ وليـش ؟؟؟

النمسا ... لانه بصراحه شي فوق الخيال .. طبيعه وجوها بقمة الروعه .. والناس اللي فيه طيبيين وحبوبيين وخصوصا الشيااب

14- مـاذا تعنــي لك الكلمــات التاليه:
* الأمــــل ؟؟؟ .. * الـــــورد ؟؟؟ .. * السعــــــاده ؟؟؟ .. * الحضــاره ؟؟؟

الامل :: ورده تتفتح مع كل يوم لتعيش حيااااة افضل من قبل

الورد :: لغة المحبين

السعاده :: طمأنينة قلب .. وانشراح صدر .. وراحة ضمير

الحضاره :: هي المقياس لتقدم الامم

15- رقمك المفضــل ؟؟؟

6

16- أنـــواع الكتب التـــى تحبها أن تقـــرأها ؟؟

احب اقرا كل شي ... بس اكثر شي اقرا كتب المعلومات العامه

17- هــل أثــر منتــ غنــــج ــدى على حياتك الشخصيه ؟؟؟

بصراحه اي ... مو بس المنتدى ... الموقع بشكل عام .. لانه اذا دخلت بالقلييل اشبك 4 سااعات ..

18- مــاذا يعنـي لك النجاح والفشــل ؟؟؟

النجاح : ناتج المعادله :: التوفيق + الجد والاجتهاد
الفشل : لا يعني الهزيمه ابدا ، بل بدايه النجاح والتقدم الى الامام

19- من هــو لاعبك المفضل ؟؟ المطــرب المفضل لديك ؟؟ المطربه المفضله لـديك ؟؟
بدر المطوع ....... عبدالله الرويشد ..... ااصاله

20- ما هـــي هواياتك ؟؟

النت وكرة القدم والقراءة

21- هـل فكـرت يومـاً أن تسـافر للخـارج ؟؟ وماهـي الدولـه التي تتمنى أن تســافر إليـها ؟؟

السؤال مو واضح بصراحه ... اذا كان قصدج سفر دائم .. لا والله ما فكرت لانه ما احب الغربه
واذا كان قصدج سياحه دائما اسافر .. واتمنى اسافر النمسا مره ثانيه

22- من أحـــب الناس اليك ؟؟؟ ... وهل يصعب عليك فراقهاا ؟؟؟

اهلي وربعي وناسي ... طبعا صعب

23- من مجالستك للنااس وحديثك معهم هل تتوقـــع أنك محبـــوب لديهم ؟؟؟

ايه ... اتوقع اني محبوب ... وان شاء الله اكون صج محبوب

24- مــاذا تعني لك كلمــة الحـب ؟؟؟

الحب هو الحياة

25- مـا هـى أحـب الاسمــاء الي قلبك يعني اذا رزقـك الله بمولود او مولوووده شنو راح تسميهم ؟؟؟

امل - عبدالله

26- بـاقة ورد لمـــن تهديها ؟؟ بــاقه شــوك لمـن تهديهــا ؟؟؟

باقة ورد لكل عضو بمنتدى غنج
وباقة شوك لكل خاين

ومشكـــورة يا نور على اسئلتج الحلوه