حمد على كرسي الاعتراف

No0o0oR · 28-09-2007, 06:01 PM

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
وأسعـد الله جميـع أوقاتكم بكل خـــــير....
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
هــا نحــن نعود إاليـكم مـن جديد...
ونستقبـل ضيــف نتمنــى له قضــاء أمتع اللحظــــــــات ..
ضيفنــا كان لـه دور مشرق في خدمـــة هذا الصرح .." منتـــديات غنـــج "
بل كـان وما زال نجــــم من خلال تألق قلمـــــــه صادق المشاعر ....
وصدوق اللهجه .. هــــو قيـــادي وله العديد من المشاركات الجميلة ....
أقل ما يستحق أن يقال عنـــه أنــه فعلا أحد أعمدة المنتدى ....
لقلمــــه جاذبيه خاصه .. ولطرحــــه أسلوب مميز ....
فقد امتـــاز بثقتــــه بنفسه وشخصيتـه القويه في طرح المواضيع والردود .. ..
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
فمرحبـــا بك أخــي " حمـــــــــــــد " على كرسي الاعتراف .....
وأشكر لك رحابة صدرك وقبولك لهذا اللقاء ....
لنتحاور معك ونستنطق قلمك وحروفكـ ....
لتفتح لنا صفحته من روائع أفكاركـ ومكنوناتكـ ..
فأرجوا أن تسعــد معنا ونسعد معك ....
ويستمتع الجميع ويشاركـ في هذا اللقاء الجميل ....
كما أســأل الله أن يوفقنا جميعا لما يحبه ويرضى ....
يا ويلك حمــــــــــد من أسئلة الأعضـــاء <<
يلا كـل واحد يحضــر أسئلة لـ حمــــد ... لا تتــركوا ولا ســؤال يعني اسألـــوا على كيفكم <
واتمنـــى الكل قـد قبل بترشيح حمــــــــــــــد
تقبلوا تحيتــــــــي ومودتي: نــــــــــــــور
تقبلوا تحيتي ومودتي: نـــور

Om^Kesha · 28-09-2007, 11:06 PM

لووووووووووووووووووووووووول

والله بصراحع فكره وااااااااايد حلوه وماشالله ابدعتي بطرحج هالفكره الروعه وانشالله نكون عند حسن ظنج بمشاركتنا بالموضوع وماراح نقصر انشالله بنسال حمد كل شي خخخخخخخخخ يلا شدو الهمه يالاعضاء واستغلو الفرصه :D

وانا ببدي

*س: شلي خلاك تفتح موقع غنج من وين يتك نيه انك تفتح موقع ؟

حــمــد · 29-09-2007, 02:33 AM

السلام عليكم ورحمة الله وبركاته

يعطـــيج العافية اخت نــور على المقدمه ... احيييج واحيي كل الاعضاء واتمنى لهم بدوام الخير والنجاح

وانا كلي شرف بأن اكون اول شخص يجلس على كرسي الاعتراف ...

مشـــكووورة على الاستضـــافة ويعطيييج العافية ....

واتمنى اكوون خفيف عليكم وعند حسـن ظنــكم

وبإنتـــظار الاسئلة على احر من الجمر

تحيتي
حمد

حــمــد · 29-09-2007, 02:51 AM

خخخخخخخخ ام كشه حيــاج الله بأي وقت واسئلي الاسئلة اللي تبينها

وان شاء الله راح اجاوب على كل شي .....

وبالنسبه للسؤال

*س: شلي خلاك تفتح موقع غنج من وين يتك نيه انك تفتح موقع ؟

بصراحه ماعندي اي نيه اني افتح موقع... وكانت عندي خبرة سابقة بادارة المواقع والمنتديات لانه كنت مدير على موقع احد الاصدقاء وللاسف اغلقه ..... وصدفة شفت عرض لاحد الشركات لبيع المواقع بسعر مغري ... وشريته .... ودعيت الاصدقاء عليه ... والحمدلله شوي شوي الموقع قاعد يكبر

No0o0oR · 29-09-2007, 03:10 AM

البطـــــــــاقه الشخصيــة :
1- الإســـم
2- العمـــر
3- الدوله .. المدينه
4- الهوايه
5- الوزن .. الطول .. < :D
6- اللون المفضل لديك
7- الاكله المفضله لديك
8- العصير أو المشروب المفضل لديك
9- نـــوع سيارتك .. لونها < :D
وبعد أسئلتي عن بطاقتك الشخصية
إليك هــــــــذه الاسئله :
1- ما هــــــــى الأمنية التي تتمناها ؟؟
2- ما هـــــــى حكمتك فــي الحياة ؟؟
3- أصعـــب موقف مريت فيه ؟
وإن شاء الله لــــــــي عـــودة محملة بالاسئله ...
دمتم بــــــــــــألف خير ....

حــمــد · 29-09-2007, 04:00 AM

ولكمو و و و و و و و و من جديد اخت نوور

وحيااج الله من يديد .... منورة الصفحة

وبالنسبة للاسئلة

البطـــــــــاقه الشخصيــة :
1- الإســـم
حــمـــد

2- العمـــر

عمري 21 وميلادي شهر 6

3- الدوله .. المدينه

الكويت .... بمحافظة الفروانيه

4- الهوايه

كرة القدم ..... والنت ... والقراءة

5- الوزن .. الطول .. <

الوزن 86 بس ترى والله العظيم مو بطه خخخخخ الجسم رياضي والعظم قوي عشان جذي الوزن وايد ... وبصراحه الطول ما ادري عنه خخخخخخ لانه ولا مره رحت قسته .. بس باجر او اللي بعده راح اقييسه في الصيدلية وارد اقولكم جم طولي

6- اللون المفضل لديك

الوردي والاحمر

7- الاكله المفضله لديك

المعكرونه والذره

8- العصير أو المشروب المفضل لديك

الميرندا .. وعصير كوكتيل طبيعي

9- نـــوع سيارتك .. لونها <

نيسان ... ماكسيما 2003 ... لونها بيج
وعن قريب راح ابيعها واشتري وحده ثانيه :P

وبعد أسئلتي عن بطاقتك الشخصية
إليك هــــــــذه الاسئله :

1- ما هــــــــى الأمنية التي تتمناها ؟؟

اتمنى انه اتوفق في الدنيا والآخرة ... واتمنى انه امي وابوي يكونون راضيين عني وانجح واتفوق بدراستي ... واتمنى يكون موقع غنج من المواقع الكبيره

2- ما هـــــــى حكمتك فــي الحياة ؟؟

إعمل لدنيـاك كأنك تعيش ابدا .... واعمل لآخرتك كأنك تموت غدا

3- أصعـــب موقف مريت فيه ؟

اصعب موقف مريت فيه لما ودعت امي وابوي واختي لسفرة طويلة للعلاج ... كان الموقف كله حزن .. وكنت احاول اخفي دموعي عن الناس ... حسيت انه فيها احراج

وإن شاء الله لــــــــي عـــودة محملة بالاسئله ...
دمتم بــــــــــــألف خير ....

وانا بإنتــــظار العوده

مضاوي · 29-09-2007, 04:13 AM

حلــم واحــد يتحقـق حتى لو كان مستحيـــل....... شنو تتمني يكون هالحلم؟

شنو التجربه الي اخذتهاا وندمت عليهاا ؟

شنو التجربه تتمنى انك تكررهاا ؟

اوصف نفسكـ بسطر واحد بس

عندك ثلاث وردات منو تهديها من الاعضاء؟

يلا عاد بس هذي اسالتي ادري شويه لووووووووووول

مو هذي الفرصه الوحيده الي احشرك فيهاا بالاساله

ملكيه · 29-09-2007, 04:35 AM

احم احم:D
س1:شـنـــو الشي اللي يخليك تتعلق بالنت غير موقعك؟
س2:جم اخوو واخت عندك؟
س3 :متى اول مره دشيت فيها النت؟(بأي سنه تقريباا)؟

حــمــد · 29-09-2007, 05:15 AM

ههههههههههههههههههه مضاوي داشه قوية على طول بالاسئلة

المهم نجاااوب على اسئلتج

حلــم واحــد يتحقـق حتى لو كان مستحيـــل....... شنو تتمني يكون هالحلم؟

اني اكون وزير

شنو التجربه الي اخذتهاا وندمت عليهاا ؟

اني صادقت شخص مو قد الصداقة ... سنــتين من العشره وبمشكلة بسيطه دخلت فيها عشان خاطر عيونه ... وبالاخر يخليني اواجه المشكلة بروحي ولا جنه يعرفني
والتجربه الثانيه

فيه مره هووشه بين شباب كانوا يتهاوشون ... كنت ابي اسوي خيرر افرق بينهم عشان ما يتهااوشون ... وآخرتها ضربة بالعصى على الراس ... وصار عندي شرخ بالجمجمه .. اسبوع وانا في المستشفى

شنو التجربه تتمنى انك تكررهاا ؟

اتمنى ترد ايام الثانوية والطفولة

اوصف نفسكـ بسطر واحد بس

مزاجي... يعني مرات اكون قاعد اضحك ومستانس .. بس اذكر اي شي يعصب صار معاي من زمان .. اقعد اتتنرفز واعصب

عندك ثلاث وردات منو تهديها من الاعضاء؟

اهدي الوردة الاولى للشباب
والورده الثانيه للبنات
والورده الثالثه لصاحبة موضوع كرسي الاعتراف " NoOoOoOr "
ورجائا ما نبي اسئلة جذي .... لا تسبـبينلي احراج

يلا عاد بس هذي اسالتي ادري شويه لووووووووووول
مو هذي الفرصه الوحيده الي احشرك فيهاا بالاساله

خخخخخخخخخخخخخخخخ مو مشكلة اسئلي كل اللي يطري ببالج
انا حااظر

حــمــد · 29-09-2007, 05:27 AM

قدساوية وابووي طلال

ولكمو و و و و و و و و و و و و و منورة الموضوع

احم احم

حلو حلو :p

س1:شـنـــو الشي اللي يخليك تتعلق بالنت غير موقعك؟

الماسنجر

س2:جم اخوو واخت عندك؟

عندي 4 اخوان و4 خوات

س3 :متى اول مره دشيت فيها النت؟(بأي سنه تقريباا)؟

ما اذكر بالضبط ... بس تقريبا سنة 2000

وحياااج الله قدساوية واتمنى تكون لج عودة للموضوع