الشام والفرس والروم

هذا جمال الشام والفرس والروم &&& مجموع في بنت(ن) ينادون ليله

؟ لاشفتها لوكان في يوم مشؤوم &&& يصير عندي اليوم عيده وليله

؟ ولاشفتها اقوم واطيح واقوم &&& الا اصير اسوات خبل(ن) هبيله

؟ وفي شوفها امطار وسيول وغيوم &&& وفي شوفها تبرا الجروح العليله

؟ وجمالها الفتان ماهوب مسيوم &&& ماله ثمن يحصا ولابغا بديله

؟ اليا شبحت بالعين يالعنبا البوم &&& ريم(ن) تخيل والقنايص تخيله

؟ وعيونها الانعاس ماهي من النوم &&& وخشم(ن) كما سلة سيوف(ن) سليله

؟ راعي الجديل اللي على المتن مردوم &&& يجمع سواد الليل لمعه قليله

؟ وفيها الدلع ياناس ماهوب مفهوم &&& اليا تـــثـــنــت وين قلبي وويله

. اعدها عبله وانا عنتر القوم &&& من شانها بقود حرب(ن) طويله

. ومن شانها تنباع روحي بلا سوم &&& ومن شانها بكتب بيوت(ن) جزيله

؟ وفي بحرها اصبحت اهيم واعوم &&& وفي بحرها اصبحت رجل(ن) دليله

؟ ؟ وفي حبها ياناس مانيب مليوم &&& ومن لامني لعل موته يجيله

؟ قالو جمال الشام والفرس والروم &&& قلت الجمال اللي تقولون ليله