مزاجيه على كرسي الاعتراف

هههههههههههه تر استحي لا تغرج عضلاتي

يا بعد جبدي والله تسلميييين من طيب اصلج

وانا استانست على سوالفج تهبلييييين بعد بسالج هم فيني لقافه ف5

شنو هواياتج؟؟

متى يقسى قلب مــزاجــيــه؟؟

يقولون ( الحقيقه مره ) صادفج هالمثل يوم من الايام؟ يعني صارلج موقف وقلتي فيه اي والله صج لي قالو الحقيقه مره

كيف تواجهين من يخطئ عليج بتهمه او كذبه او سوء ظن؟

وسؤال جكجكه حق الاعضاء

حطي العضو المناسب في المكان المناسب ( نسويلج جو امتحان شوي )

غامض؟
دمه خفيف؟
مرح؟
دمه ثقيل؟
دلوع؟
حساس؟
عصبي؟
طيب؟
مميز؟
حبوب؟

واخر سؤال لقافه :

*شنو الحب بالنسبه لج؟

خلاص ادري تعبتج معاي بس ودي اتعرف عليج اكثر

مرحباا نور الكرسي بوجودج حبوبة
شلونج شخبارج

بسألج اسئلة خفيفة


س/ شنو طموحك بالحياة ؟؟

س/ موقف محرج صادفك؟؟

س/ موقف لا يمكن يغيب عن بالك؟؟

س/ موقف ندمت عليه؟؟



ولي عودة

لووول مزاجيه من الساعه خمس وانتي معلقه نكج بالموضوع يلا جاوبي قاعده انطرج

وخااال تستااهل صفقه

1- شسمـــج ؟
مـنار
2- جـم مـواليدج / جـم عمـرج ؟
1987 _ 21
3- شنـو هوايتـج ؟
التنس _ النت
4- شنـو نـوع سيــارتج ؟
التيما
5- شنـو أصلـج ؟
كويتيه
،،

مـاهي الحـاله النفسيـه الي تمريـن فيهـا كل يـوم ؟
فيني النوم
الـ 18 سنـه مـن أجمـل الأعمـار الي تمر في الأنسـان
مالمميـــز في هـذا العمـر في وجـهة نظـرج ..
أول شـي احلى شـي فيها انك اتحس نفسك كبرت وتخرجت من الثانويه وثاني شـي يصير اللليسن بيدك
لـو قـالو لـج بنغيـر أسم الموقع [ غنـج ] .. شنـو بتختـارين ؟
غنوووووووووووووووووووج:P
أذا خيـروج بيـن أنـه يكـون لـون المنتدى وردي أو أزرق شنـو تختارين ؟
أزرق
شنـو تتمنـين في الحيـــاه ؟
اتمنى انه امي وابوي يرضون عني دنيا واخره واتمنى انه الله يهديني :D
شنـو طمـوحج في الحيــاه ؟
أني أشتغل بمكان سنع
هل تتمنيـن بـ شي .. في عـالم النـت وتبيـن تحقيقـه ؟
لأ والله
أجمـل دوله سافـرتي لـها ؟
لندن
منـو أهـوه قدوتـك في الحيـاه ؟
ابوي
عـرفي نفسـج بـ 3 كلمـات ؟
طيبه _ حبوبه _غشمرجيه
شنـو الصفـات إلي تكرهينهـا في شخصيتـج ؟
أني وايد طيبه
لـوكنتي ولـد بـيوم واحد شتسوين ؟ < السـؤال قوي شوي هههه
اقز الشوارع قز وماقعد بالبيت ثانيه وحده لوووووووووووووووول واهم شـي اروح احدق الله لوول
شنـو أحسـاسج يـوم حطينــاج مشـرفه ؟
والله استانست وبنفس الوقت انحرجت مـن حمد
شنـو نـاويه تسـوين في المستقبــل ؟
والله مو ناويه اسوي شي :P
لـو صرتـي مديره الموقع مكـان [ حمـد ] .. شنو بتسوين فيه ؟
لآتعليق
شنـو رايـج في الأعضــاء ؟
ايننون والله عسل
مـنو أقـرب عضـو لـج ؟
طالب كويتي بمصر
شسـم أخـوج الصغير / أختـج الصغيـره ؟
ماعندي اخو صغير _ أختي الصغيرة أمونه
عنـدج أهل خـارج الكـويت ؟
يس
شنـو نـوع تلفونـج ؟
سوني اريكيسون
شنـو أسمـج بالبـلوتوث ؟
nemo
شنـو أكلتـج المفضلـه ؟ .. إذا السؤال مكرر عادي جاوبي مره ثانيه لوول
ورق عنب _ سلطه سيزر _ ربيان _ قباقب _ كل الاكل الزفر
شنـو شـرابج المفـضل ؟
عصير جوافه_ حليب موز
ملـيتي من أسئلتـي السخيفه صح ؟ لوووول أدري أدري ،،
بـس هـم بسئلـج .. لـوول
لأ والله حلوين يونسون يغيرون الجو لوول :P

خطـج مال التلفون فـواتير ولا تعبئـه ؟
تعبئه
تحبيـن البرتقال ؟
يس
تحـبين الفراوله ؟
يس
تحبـين الخيـار ؟
يس
شنـو لون بشرتـج ؟ خخ
بيضه
علـى طولـج أحسـج قزمـه .. جـم طولـج ؟
159 لووول عن الشماته
شنـو أحلى مطـعم وجبـات سريعه بالنسبـه لج ؟
ماكدونالدز
بيتكـم وين ؟
السرة
أنتـى ألحين تلعبين بالكمبيوتر .. شنو أستفدتي ؟
استفدت اني اوخر املل اللي فيني _ واستفدت مـن المواضيع اللي تحطونها واستفدت اني عرفت اشخاص طيبين وحلوين وعلى قلب واحد واستفدت اني اطلع ابحاث صور وايد اشياء استفدتها
لـيش تحبين تسمـعين حق تـامر حسنـي ؟
بس كله احساس صوته عذاب
عيـونـج أي لون ؟ لا تقولين زرقه ولا خضره .. صدقيني أنحاش من المنتدى لوول
لوووووووووووووووووووووووووووووووووووول لألأ اشدعوة زلمه عسليه
شنـو أحلى مسلسل رمضـاني شفتيه ؟
رحله شقى
تحبيـن تاكليـن مجـابيس ؟
يس يس كويتيه بعد
شنـو أحلى مجمـع عنـدج بالكويت ؟
الأفنيوز
جـم سـاعه وأنتي تقعدين على الكمبيوتر كل مره ؟
6 ساعات تقريبا
شنـو الأشتـراك ألي شتبكـين فيه ؟ .. تلفون بيت ، دي أس أل ، أيقـو
تلفون بيت
ألحيـن السـاعه جم ؟ وجم التاريخ .. عشان أعرف أذا متأخره
6:23 صباحا 19_5_2008
شنـو ودج ألحين يصيـر ؟
ودي الحين اتصير الساعه 8
شوفـي .. أنا عنـدي 5000 دينـار .. ماأدري شنو أسوي فيهـم
بعطيـج أيـاهم .. وأبيـج تقولين لي شنو بتسوين فيهـم ؟
اشتريلي تلفون سنع احسن من تلفوني بالمسكرب لوول واخذلي لاب توب واروح السوق اشتريلي هدوم:P
لمـه شفتينـي ماأدش الموقع وتناجرت مع حمد لا سمـح الله .. شيكون وضعج ؟
بصراحه لاتعليق
بصـراحه .. جـم دينـار في بـوكج ؟
ولا فلس :Pفشله
منـو أهـم شخص بحيـاتج ؟
أمـي وأبوي
تثقيـن بكـل شخـص تكلمينـه .. سوا كان بنت أو ولـد ؟
لأ
لو كنتـي متضايقه لا سمـح لاله منو الشخـص إلي تفتحين له قلبـج ؟
بنت عمي
بشـنو تقضين وقت فـراغج .. غير الكمبيوتر والطلـعه ؟
العب مونوبولي _ او العب جنجفه
شنـو شعـورج لمـه تشوفيـن دموع أمـج أو أبتسـامتهـا ؟
شعوري لمـن اشوف ادموع امي حدي اكتئب ويضيق خلقي ومـأيهون علي اشوف عيون امي تدمع واروحلها واقولها ليش تبجين واعرف الموضوع
شعوري لمن اشوف ابتسامتها والله حدي اموت مـن الونـاسه لها
مـنو الأعضـاء إلي لمه تشوفينهـم تستانسيـن ؟ .. حددي بيـن 5 أعضاء
خال جمايكي_ عيمي بوغمازتين _ همس المشاعر_ توتي فروتي _ أم كشه بعد في وايد
بقـول لـج أسامي أعضـاء .. وأبيج تقولين لي شنو رايج فيه .. أو أهوه شنو بالنسبه لج

- مشــيري الأسبــاني : خوش واحد وعليه قصص مو طبيعيه والله يوفقه والى الامام ان شاء الله
- بـن دار زايـــد : انه حبوب وطيب بس حدي فاقدته قطع عنه فجاة
- حمــــــد : نور المنتدى لو مـن غيره جان مـايمعنا بمنتدى واحد وعرفنا بعض والله يوفقه انشاء الله دنيا واخره
- أم كشـــــه : والله هالبنيه عسل ودمها خفيف وروحها مرحه وغشمرجيه وقرقيه وعليها اساله مو طبيعيه
- زليــــــخه : حساسه وطيبه
- توتــي فـروتي : أحسه وايد رومانسي وحبوب
- دلـوعه القمـر : والله مـاعرفها عدل بس اكيد طيبه وحبوبه

،،

أوصفــيني ؟
أنت أفا عليك الحين اوصفك ماطلبت شي
خبل ومينون وموصاحي ودمك خفيف واسالتك اتصدع الراس جني قاعده بامتحان والله يعين اللي يطيح بلسانك:P وغشمرجي ودمك عسل
شنـو نـوع لاب توبـج .. أو كمبيـوترج ؟
اج بي
تلبســين ظارات ؟
يييييييييييييي
عنـدج غمـازات ؟
لا
مـن الشخـص إلي لمـه تقريـن مواضيعـه تحسينـه يشابهج ؟
مـادري والله مـالاحظت هالشغله
شنـو الصفـه إلي فيج تتمنين تغييرهـا .. طبعاً محـد كامل والكمال للـه ؟
اتمنى اني اصير اشوي جد بس
عضـوه فاقدتهـا في المنتدى ، عضـو فقدتيه في المنتدى ؟
همس المشاعر _ بن دار زايد و طالب كويتي بمصر
شنـو برجج ؟
الحوت
شـنو صـفات فـارس أحلامـج ؟
طيب _ وخلوق _ ومـأيدخن _ ويعرف ربه ويصلي _ وعيونه مو زايقه :P
منـو أحلـى توقيـع في المنتـدى .. بـ رايج ؟
أحلى جوريه
منـو العضـو إلي حاطـه عليـه حطـه ؟
والله ماكو احد
تنتخبيـن منـو في الأنتخـابـات ؟

محد لوول



وطبعـاً بالأخيـر .. أقول لـج الله يسهـل عليـج ..
واللـه يحـقق كل أمنيـه في بـالج ..
آمين يارب
واللـه يستر .. شكلـي بنطـق منـج لووول
لأ مـاعاش مـن يطقك بس هو على وسك انك تنطق لوول
ومبـروك عليـج تستاهلين الكرسي [ أدري معصبـه ] هههه
لوووووووووووووول الله يبارك فيك حياك كل يوم تعال
وأذا صـارت عنـدي أسئلـه لي العوده
/\
/\
ألحيـن تقول يارب مايرجع ههههههههههههه

أوكي حياك الله

التوقيع

نور الكرسي بوجودج حبوبة
شلونج شخبارج
النور نورج حبوبه
تمام بخير
بسألج اسئلة خفيفة
اتفضلي حبيبتي

س/ شنو طموحك بالحياة ؟؟
أني اتزوج الشخص اللي ببالي
س/ موقف محرج صادفك؟؟
وايد بس والله مو ذاكره الحين
س/ موقف لا يمكن يغيب عن بالك؟؟
مـاكو موقف معين
س/ موقف ندمت عليه؟؟

ماقدر اقول سامحيني

التوقيع

والله اني كنت ناطر على نار عشان تقعدين عالكرسي يا مزاجية
ههههههههههههههههههههههههههههه
الاسئلة هي كالتالي:
1-شنو اللون اللي تحبينه وشنو يعني لج؟

2-منو العضوو اللي دخل قلبج من اول ما دشيتي لي الحين؟

3-شنو الوقت اللي تحبين تدشين المنتدى فيه؟بليل صبح عصر ظهر نص الليل الفير الغروب المغرب العشا اي وقت؟

4-شنو هواياتج؟

5-هل يوجد حب في حياتج؟

6-شرايج باعضاء المنتدى الي بحط اسماءهم لج ؟
-يعقووبو
خال جامايكي
حسوون
ام كشاا
عبوود
حمد
عروس الليل
طالبة ايرانية
زيزو

والله اني كنت ناطر على نار عشان تقعدين عالكرسي يا مزاجية
ههههههههههههههههههههههههههههه
الاسئلة هي كالتالي:
1-شنو اللون اللي تحبينه وشنو يعني لج؟
وايد ألوان احبها بس افضل اللون البني والأسود مـأيعنيلي شي بصراحه
2-منو العضوو اللي دخل قلبج من اول ما دشيتي لي الحين؟
والله وايد اعضاء
3-شنو الوقت اللي تحبين تدشين المنتدى فيه؟بليل صبح عصر ظهر نص الليل الفير الغروب المغرب العشا اي وقت؟
على حسب نومتي
4-شنو هواياتج؟
التنس_ الطلعه _ النت
5-هل يوجد حب في حياتج؟
يس يس
6-شرايج باعضاء المنتدى الي بحط اسماءهم لج ؟
-يعقووبو : دمه خفيف _ يونس
خال جامايكي: غشمرجي _ خوش ريال
حسوون : :P لوول يحقد على اللي يفوز عليه وهم يونس ودمه خفيف
ام كشاا : واي فديت هالبنيه عسل عسل تنحط عل الجرح يبرى طيبه وحبوبه وتحب الغشمرة
عبوود: يونس وغشمرجي
حمد : عـاد هذا الخير والبركه طيب وايد وكـله مشغول والله يعطيه العافيه اللي خلانا انتيمع بمنتدى واحد
عروس الليل:خوش بنيه ومواضيعها حلوة
طالبة ايرانية: احسها طيبه وحبوبه بس الناس مو فاهمينها ودمها خفيف ةاحس فيها هموم وايد
زيزو: يعشق الفن والفنانين والاخبار الفنيه والسينما وغشمرجي

عبود ترى انت كل اللي كاتبهم تقريبا غشمرجيين ودمهم خفيف مو تقولي كلهم كاتبه نفس الكلام انزين بابا عبدالله
يالله بعد مـنو بيسالني

التوقيع