المـجرم 3BoOod على كرسي الاعتراف

Om^Kesha · 15-08-2008, 08:12 AM

صبــــاح عاطر بماء الورد و الياسمين اهديه لكم جميعا اخواني و اخواتي وسيداتي انساتي سادتي

و ها هنا نحن نفتح الستار على شخصية جديدة من شخصيات منتدى غــنــج ...

ضيفنا هذا من ابرز الشخصيات المتواجدة في هذا المنتدى ... وكلكم تعرففونه وشهادتي فيه مجروحه

و هو عضو متميز بمواضيعه و بردوده ... طبعن

شخص متابع للمنتدى بشكل يومي تقريبا ... وانا اشهد

تجد ردوده في جميع المنتديات دون استثناء ... كفى ووفى

لن اتحدث كثيرا عنه بل سأترك لكم فرصة لتكتسفوا بأنفسكم شخصية ضيفنا هذا ...

> ضيفنا لهذا الاسبوع هو الاخ<

الــمــجــرم

3BoOod

فألف اهلا و سهلا و مرحبا بك ضيفا و اخا عزيزا و غاليا على الجميع ..

سأترك للجميع الان فرصة لصب الاسئلة عليه فأرجوا ان لا ترحموه من الاسئلة ، لانها فرصة لن تتكرر

تحياتي للضيف و للجميع

≈wanted≈ · 15-08-2008, 02:42 PM

هلا والله اخوي قلبي عبيد

اول شي الف مبروك على الاشراف تستاهل بعد قلبي

وانشالله لي عوده مع جم سؤال ؟

مجروحه بس دلوعه · 15-08-2008, 07:38 PM

كولكولكوكلوكولكوكولولشششششششششششششششششششش

يلا عبود رد علىى ام كشكش عشان بتعبك اشووووووويه ف5

وشااكره لج حياتىي كشكش

Om^Kesha · 16-08-2008, 06:18 AM

اسمك...؟

عمرك...؟

حالتك الاجتمايعه...؟

مؤهلك الاكاديمي ( شهادتك )...؟

وظيفتك...؟

مسقط رأسك...؟

مكان اقامتك...؟

هواياتك...؟

سبب تسجيلك بـ( غــنــج)...؟

لو قالولك (غــنــنج) بيتسكر شنو بتكون ردة فعلك...؟

امنيه تتمنى تحقيقها في المنتدى...؟

طبعن مثل ما الكل عارف انت ادب واخلاق واصل بس كل انسان وله عيوبه ( شنو عيبك )...؟

وانا قاعده افتر بالمنتديا لقيت واحد كاتب ان يبي فتاة احلامه (خالية من العقد النفسيه) .. لوول ضحكني.. انت شنو مواصفات فارسة احلامك...؟

شنو الشي الي تسويه اذا كنت معصب.. مستتانس .. ترفه عن نفسك.. حاس بضيقة.. ( شنو الطقوس الي تمارسها بهالحالات)...؟

فلمك المفضل.. اغنيتك الي تحب تسمعها ..المسلسل الي اتابعه...؟

شنو الرياضات الي تحب تمارسها...؟

رايك بالجنس الناعم باختصار شنو المراه بالنسبه لك شلون حياتك بدونها ..ومعاها...؟

شنو رايك بالانسان الي يتصرف على طبيعته والي يتصنع .. شنو نصيحتك لهم...؟

اكبر جذبه جذبتها بحياتك وعفست حياتك فوق تحت .. وندمت عليها...؟

شنو ترتيبك بي افراد عايلتك...؟

تاريخ ميلادك...؟

هل انت انسان تجامل.. ولا صريح...؟

نوع المواضيع الي تعجبك واكثر قسم تفضله...؟

نظرتك للبنت الي تكتب بالمنتديات.. تدخل الجات.. ومسن...؟

هل تغض البصر..<< سؤال طاق الرصيف ...؟

اكثر شي تتصفحه وتحب تطالعه بالنت...؟

كيف تقضي اغلب اوقات الفراغ...؟

شلون تشوف نفسك بعد خنقول .. 10 سنوات..استاذ كبير؟ انسان مشهور؟ حققت شي في الحياة؟ ولا راح تصير رب اسرة وموظف مثلك مثل اي واحد؟ .. واذا انت ما تشوف نفسك هالنظره .. هل فكرت انك تكون او طمحت ( يعني مجرد طموح وفكرت انك تكون) ...؟

شنو الشي الي تحس انك تبدع فيه .. ومتى ...؟ ( يعني مثلن في ناس تبدع في الرسم لما تكون حزينه وفي ناس تبدع بالطبخ لما تكون مستانسه)

عمرك جرحت انسان.. بقصد او بدون قصد.. وشنو كان نوع الجرح وما مدى عمقه...؟

عمرك استغليت طيبة انسان وبعدين سحبت عليه ...؟ (

ماعتقد تسويها بس مجرد فضول )

يـــتـــبـــع ياجميل...

مجروحه بس دلوعه · 16-08-2008, 06:40 PM

يعطيج العافيه ام كشه حياتىي

ويلا ناطرين عبوود عشان عندىي له اساله لىي الراس خخخخخ

3bood · 17-08-2008, 02:49 AM

اسمك...؟
عبدالله
عمرك...؟
18
توني خالص الثنوية P=
حالتك الاجتمايعه...؟
أعزب يعني شتشوفين يا حلوة P=
مؤهلك الاكاديمي ( شهادتك )...؟
إتصالات وملاحة ويا بو يعقة مولت عليي ألحين علمي وحالتي حالة داش إتصالات وملاحة P=
وظيفتك...؟
توني أدرس ما خلصت الدراسة و الوظيفة بعد ما نخلص إنشالله

مسقط رأسك...؟
لا تعليق .... P=
مكان اقامتك...؟
صباح السالم P= عند العقد على قولت بابا عوود الله يذكره بالخير
هواياتك...؟
الكتابة و السوالف والضحك و النكت و الملاقة و التلفزيون
سبب تسجيلك بـ( غــنــج)...؟
حنه بو يعقة على راسي سجل وسجل لين إستسلمت وسجلت وطبعا بسبب المديح إللي وصلني من المنتدى والله خووش منتدى :)

لو قالولك (غــنــنج) بيتسكر شنو بتكون ردة فعلك...؟
أزعل وأتضايق :( وأتفاجئ ليش شنو السبب ومن هالحجي P=

امنيه تتمنى تحقيقها في المنتدى...؟
أممم أغلى الناس يشارك بالمنتدى وايد لأن مفقود P= وما يصكرون المنتدى وأتمنى يرقون إشرافي بس توني مشرف توالناس على ما يكتمل على إشرافي سنة او ستة أشهر جذي ...

طبعن مثل ما الكل عارف انت ادب واخلاق واصل بس كل انسان وله عيوبه ( شنو عيبك )...؟
ملقووف وأتسأل وايد P= وأحقق واي والوحيد إللي يعاني و لاحظ هالشيي فيني بو يعقة لأني كل يوم وياه فلاحظ هالشغلة وقاللي وشي أخير ما أعرف أصارح بشكل صحيح أو بشكل واضح ...

وانا قاعده افتر بالمنتديا لقيت واحد كاتب ان يبي فتاة احلامه (خالية من العقد النفسيه) .. لوول ضحكني.. انت شنو مواصفات فارسة احلامك...؟
أممم حلوة وأسنانها بيضة وحبووبة وتحب الضحك وخبلة نفسي P= و طويلة وتكون صريحة وقريبة للقلب وطيبة وحنونة أممم ... مو جنه بس P=
لطقوس الي تمارسها بهالحالات)...؟

فلمك المفضل.. اغنيتك الي تحب تسمعها ..المسلسل الي اتابعه...؟
ice age \ the ring 1,2 \ raisedent eavile

المراه بالنسبه لك شلون حياتك بدونها ..ومعاها...؟
بدونها :- مو حلوة كلش مو ليا لأنها بنفس الوقت أمي وإختي وبنت خالتي وبنت خالي وبنت عمي وبنت عمتي وكل شيي وحتى زوجتي فشلون بتكون الحياة بدونها إهيا سكر وعسل الحياة ولولاها جان الحياة بدون طعم :)

معاها :- حلوة وحلوة وحلوة وألف حلوة وسكر حلاوة طعمها يهبل :)

شنو رايك بالانسان الي يتصرف على طبيعته والي يتصنع .. شنو نصيحتك لهم...؟
إللي على طبيعته يعجبني وايد
أما إللي يتصنع فهاذا يسمحلي أقووله تصنعك ولعبك وجذبك مو علينا وكله فاشل :)

اكبر جذبه جذبتها بحياتك وعفست حياتك فوق تحت .. وندمت عليها...؟
أممم ما أذكر والله لو تذكرت أقوولج ..

شنو ترتيبك بي افراد عايلتك...؟
الأول قطع كل يوم تعال روح روح تعال بس الله يخليهم ليي إنشالله

تاريخ ميلادك...؟
29 \ 3
التاسع والعشرون من مارس P=

هل انت انسان تجامل.. ولا صريح...؟
الأثنين P= تقريبا

نوع المواضيع الي تعجبك واكثر قسم تفضله...؟
الألعاب القسم إللي يعجبني وقسم الهواتف لأني مشرفه P=
والمواضيع إللي تعجبني العلمية والنفسية والرياضية

نظرتك للبنت الي تكتب بالمنتديات.. تدخل الجات.. ومسن...؟
أممم مادري ما أحسها تعجبني عادي بس هاذا شيي راجع لها كيفها أما لو كانت إختي والله آنا واثق فيها وثووق الشمس الحمدلله ما تحب هالسوالف اللهم تلعب بالألعاب وتطفي الإنترنت وتطلع P=

هل تغض البصر..<< سؤال طاق الرصيف ...؟
آنا واحد الحمدلله أخاف ربي :)

اكثر شي تتصفحه وتحب تطالعه بالنت...؟
أمممم الرياضة والفن و السيارات و المنتديات :)

كيف تقضي اغلب اوقات الفراغ...؟
أروح المجمعات أو أروح البحر او أقعد بدوانية بو يعقة أو ديوانيتنا ونتيمع ويا الشباب :)
أو أقعد بداري أو ألعب بلاي ستيشن ويا حسوون أخووي P=

شلون تشوف نفسك بعد خنقول .. 10 سنوات..استاذ كبير؟ انسان مشهور؟ حققت شي في الحياة؟ ولا راح تصير رب اسرة وموظف مثلك مثل اي واحد؟ .. واذا انت ما تشوف نفسك هالنظره .. هل فكرت انك تكون او طمحت ( يعني مجرد طموح وفكرت انك تكون) ...؟
أممم والله شوفي طمووح كانت عندي بس تحطمت لأن أبووي كان يبيني محامي وجذي بس بالأخير دشيت علمي فتحطمت هالطموح وما قدرت أصير أو أحقق حلمي وحلم أبووي بس تقدرين تقولين مجرد موظف مثلي مثل أي واحد و رب أسرة ..

شنو الشي الي تحس انك تبدع فيه .. ومتى ...؟ ( يعني مثلن في ناس تبدع في الرسم لما تكون حزينه وفي ناس تبدع بالطبخ لما تكون مستانسه)
أممم أبدع بكتابة الشعر بالإنقلش P= طل بعيني وأبدع يمكن بالضحك والفكاهية يعني عندي حس فكاهي لا نهائي P=

عمرك جرحت انسان.. بقصد او بدون قصد.. وشنو كان نوع الجرح وما مدى عمقه...؟
أمممم مادري والله ما أذكر..

عمرك استغليت طيبة انسان وبعدين سحبت عليه ...؟ (

ماعتقد تسويها بس مجرد فضول )
أمممم لا ولله الحمد آنا مو من هالنووع الحمدلله :)

شنو الرياضة إللي تمارسها....؟

الجري و تنس طاولة وأرضي و كرة قدم مرات مو وايد وسباحة ما أعرف عدل P=

أووووف أخيرا خلصت p= لوووووول

تسلمين أم كشكش عالأسئلة الحلوة والطويلة والخفيفة :)

Om^Kesha · 17-08-2008, 03:19 AM

لووول عبالك خلصت توني اصلن ما بديت ف5

انزين انتا مو قلت بتدش طب ؟

3bood · 17-08-2008, 09:10 PM

ما ساعدتني درجتي

والله حرااام الدراسة والتعب وبالأخير ما تساعد

y38ob · 18-08-2008, 09:37 AM

اول شي على البركه تستاهل الاشرااف

ثاني شي :P

ام كشه ما خليتينا سؤال نسأله اياه :P

عبيد روح زين نسبتي ونسبتي اتذكر قبل لما عندنا امتحان فيزيا وقاعدين نلعب بلاي ستيشن

المهم

ماكوو اسأله نسألك اياها .. ام كشه الله يهداها خلصت الاسئله >< :P

مجروحه بس دلوعه · 18-08-2008, 07:56 PM

مرحبــــــــــــــا..,,..

الله يسعــــــد أوقاتــــك بكل خيــر وحـــــب وسعااااده..,..

شلونك عبــود وشخبارك؟!! ..,,..؟؟ ان شاءالله تكون بخيـــر..

{3BoOoOoD }

نورت كرسىي الإعترااف يا الغالىي ...

يلا نبدأ بالأسأله ..

* منو اقرب الناس لك ؟

* اول اسم بجهازك ( تلفون ) ..؟

* جم اخت عندك ؟ كم اخو عندك ؟

* متى تنزل دموعك ؟ وليش ..؟؟

* تحب المعكرونه ..؟

* ماهو رايك بالحب ..؟؟

* لون غرفتك ..؟؟

* افضل اكله عندك؟

* منظر تحب تشوفه ؟ يعني اقصد البحر او النجوم او القمر..الخ؟

* شخص قاهرك بتصرفاته؟

* منو اول واحد او وحده عرفته من المنتدى؟

* منو اللاعب المفضل بالنسبه لك؟

* اسمك بالبلوتوث؟

* حشره تخاف منها ؟

* اكثر شئ شدك للمنتدى؟

* تحب تشوف افلام اكشن او كوميديا او مغامرات؟

* تكتب شعر او خواطر؟

* انسان تتمنى تشوفه اللحين؟

* تعبت والا تبي اكمل؟!<< ههههههههه لا حرام تعبتك خخخخ

*- اجمل موضوع احببت ان تقرأه فى منتدىى غنج احلىى دلع

*- بكلمه واحده ماذا تعني لك التالي :
البحر؟

المال؟

الاحترام؟

الكذب؟

الام؟

الصداقه؟

الحب ؟

الجمال؟

العنصرية؟

*أهديت عشر أزهار وأريد منك أن تعطيها لعشرة أعضاء من المنتدى

فمن ستختار ؟

* تعلمنا أن الحياة تجارب ولكل تجربه عضه وموقف ..

أذكر لنا موقف مر بك وإتخذت منه عبره ؟

*كيف تجد المشرف الناجح في عمله برأيك ؟

والسموحه عالإطاله

ويلا تحسب بس ماراح اسالك لا لا عندىي لك أساله وااايد بخليك تتعب

وانا بإنتضار اجوبتك