فلانة محجوزة لفلان مع ام ضد

ولد الحمد · 23-09-2008, 03:53 AM

بسم الله الرحمن الرحيم

السلام عليكم ورحمة الله وبركاته

( الحبر يخلص وقضايا مجتمعنا ماتخلص )

نجي لقضيتنا ومحور حديثنا

( ياولدي بنحجز لك بنت فلان )
( يابنتي ترى ولد فلان حاجزك )
( فلانة محجوزة لفلان )

_ يجي واحد يخطب بنت جيرانه ..الولد ماعليه اخلاق ودين ..لكن البنت محجوزة لولد عمها

_ في يوم من الأيام شخص كان حاجز وحده من قريباته .. وطول حجزه لها يعني من يوم انهم صغار وهم يقولون فلان لفلانه وفلانه لفلان .. وبعد ما توظف تركها وقال انه مايبيها ..

ساءت الحاله بين العائلتين .. والبنت تورطت وراحت فيها حتي الخطاب مايدقون بابهم لأنهم يعرفون انها محجوزه لفلان وضاعت البنت مع ضياع هذا الحجز ..

_ بنت يتيمة وحيدة..حجزها عمها لولده ..لانه مايبغاها تطلع من العايله .. طيب ممكن البنت مو مناسبة للولد ..افكارهم غير ..شخصياتهم غير..لكن مين يسمع ..خلاص البنت محجوزة لفلان

قصص تبكي القلوب .. وأحلام تضيع في قرار
أمال وأمنيات تتبخر ..

بصراحة انا احس ان الحجز فيه ظلم للبنت
خصوصا ان الولد لو كبر وغير رايه ماهيتأثر
لكن البنت حساسة وهتتأثر
وفوق كل هذا معد بيجيها خطاب لانهم يعرفوا انها محجوزة لفلان

ممكن الشاب يتأثر لان اهله اختاروا له شريكة حياته
وحجوزها له ..

لكن البنت هي اللي هتتأثر اكثر

يخلص الحبر والكلام مايخلص

من المذنب .في هذا كله. الشاب , الشابه , الأهل , العادات والتقاليد ؟؟

ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟

وانت ايها الشاب مارأيك في مسألة الحجز وان تكون محجوز لفتاة ؟؟

وهل هذا الشي موجود في عائلتكم ؟؟ وماموقفكم منه ؟؟

احلى جوووريه · 23-09-2008, 04:34 PM

الصرااحه السالفه تقهر واايد ان فلان محجوز لفلانه جنه على كيف الاهل
ومن غير ما ياخذون راي البنت ولا الولد
وبشكل عام انا اعارض زواج البنت من واحد يصير لها لو شنو يصير
الفكره مرفوضه لانه اي مشكله بتصير بينهم بتاثر على العايله كلها
ولد الحمد
موضوع جميل للمناقشه وفيه آراء ثانيه وهذا راي باختصار
تسلم ولا تحرمنا من جديدك

**Enter** · 23-09-2008, 05:24 PM

^^

رأيي من رأي أحلى جوريه ..

أنه أي مشاكل بين الزوجين بتأثر على الأهل

وتسلم إيدك على الموضوع ..

تعذبت · 24-09-2008, 02:40 AM

اول شي اشكرك ولد الحمد على الموضوع الروعه
وثاني شي انا ارفض هالموضوع تماااماااا..الان الزواج موغصب اولا وثانيا الزواج حب وتفاهم ورضا من الطرفين وتأقلم شخصياتهم وصفاتهم ..الزواح عمره ماكان بالحجز بس هذي افكار بعض الاهل وبعض التقاليد والعادات عند بعض الناس مثل بنتنا ماتروح عند الغريب او ولد عمها اولا فيها ومن هالكلام بس الحمدالله انا اشوف انه هالظاهره قامت تقل والمجتمع الكويتي صار متفهم ومتحضر اكثر بعيد عن التحجر والله يتمم واتمنى الصراحه تنعدم الظاهره هذي لان فيها ظلم كبير ..

ولد الحمد · 24-09-2008, 02:44 AM

اقتباس

المشاركة الأصلية كتبت بواسطة احلى جوووريه


	الصرااحه السالفه تقهر واايد ان فلان محجوز لفلانه جنه على كيف الاهل ومن غير ما ياخذون راي البنت ولا الولد وبشكل عام انا اعارض زواج البنت من واحد يصير لها لو شنو يصير الفكره مرفوضه لانه اي مشكله بتصير بينهم بتاثر على العايله كلها ولد الحمد موضوع جميل للمناقشه وفيه آراء ثانيه وهذا راي باختصار تسلم ولا تحرمنا من جديدك

اهليين احلى جووريه منووره الموضوع
وعلى سالفت فلان محجووز لفلانه انا اييدج بعد
بس ما ماايدج الزواج من الاقاارب
لانه ممكن القرييبه تكوون زيينه فشنو المانع اني اخذه اما اني اشييل الفكره من بالي
فهذا الشي بالنسبه لي خطأ مع احترامي لج
بس انا اظن انه انتي شلتي هل فكره من بالج من الزواج من القريب لانه ممكن تصير امراض للولد
فاذا من هل ناحيه انا اوافقج وعلى قولتهم:"الاقارب عقارب"
وشااكرلج على ردوودج الروعه
وتحيااتي لج ولــد الــحــمــد

ولد الحمد · 24-09-2008, 03:09 AM

اقتباس

المشاركة الأصلية كتبت بواسطة Enter


	^^ رأيي من رأي أحلى جوريه .. أنه أي مشاكل بين الزوجين بتأثر على الأهل وتسلم إيدك على الموضوع ..

اي ولله صح كلامك صح
بس على حسب اخياار الشخص للزوجه
بهالحاله يعتمد على ذكاء الزوج باخياره والعكس
وشااكرلك مروورك حبييبي تحيااتي
ولــــد الـــــحــــمــــد

ولد الحمد · 24-09-2008, 03:12 AM

اقتباس

المشاركة الأصلية كتبت بواسطة تعذبت


	اول شي اشكرك ولد الحمد على الموضوع الروعه وثاني شي انا ارفض هالموضوع تماااماااا..الان الزواج موغصب اولا وثانيا الزواج حب وتفاهم ورضا من الطرفين وتأقلم شخصياتهم وصفاتهم ..الزواح عمره ماكان بالحجز بس هذي افكار بعض الاهل وبعض التقاليد والعادات عند بعض الناس مثل بنتنا ماتروح عند الغريب او ولد عمها اولا فيها ومن هالكلام بس الحمدالله انا اشوف انه هالظاهره قامت تقل والمجتمع الكويتي صار متفهم ومتحضر اكثر بعيد عن التحجر والله يتمم واتمنى الصراحه تنعدم الظاهره هذي لان فيها ظلم كبير ..

لاتشكريين تعذبت ولو ماتسوينا شي
وبصرااحه انا ابصم على العشره انه كلامج درر
وعسالله تمنحي هالظاهر من ديرتنا
وشااكرلج مروورج خيتوو
تحيااتي ولــد الـــحــمــد

وغلاتــــك · 02-10-2008, 01:06 PM

مع الاسف مجتمعنا ما يراعون مشاعر الابناء
اللي يبونه يسونه بكيفهم وما يشيرون الابناء

ويسلموووووووووو ولد الحمد على المواضيع الحلوه وانت يبيلك برنامج
مع نبيل العوضي ههههههههههههههههههههه
وكل عام وانتم بخير
ولا تحرمنا من يديدك يا ولد الحمد

3bood · 02-10-2008, 07:40 PM

وعليكم السلام والرحمة حبووب وقواك الله عالموضووع الرووعة

وآنا الصراحة مالي شغل معاها ولا مو معاها يعني عنصر محايد

إهيا حلوة ومو حلوة إنه فلان يكون محجوز حق فلانة وفلانة تكون

محجوزة حق فلان بس مراات تشكل مشاكل بين العوايل فعشان جذي آنا قلت لك عنصر

محايد وإنشالله ما تصير مشاكل سواء إذا كانوا محجوزين أو مو محجوزين والله

يبعد عوايل الكويت من المشاكل العائلية إنشالله وتحياتي لك حبووب ...

ولد الحمد · 08-10-2008, 09:42 AM

اقتباس

المشاركة الأصلية كتبت بواسطة وغلاتــــك


	مع الاسف مجتمعنا ما يراعون مشاعر الابناء اللي يبونه يسونه بكيفهم وما يشيرون الابناء ويسلموووووووووو ولد الحمد على المواضيع الحلوه وانت يبيلك برنامج مع نبيل العوضي ههههههههههههههههههههه وكل عام وانتم بخير ولا تحرمنا من يديدك يا ولد الحمد